Македонија горда на Philips Revolution – поддржани од Solar Spektar AG!

Ние веруваме во младите умови кои ја движат иднината!

Со голема гордост ја објавуваме нашата поддршка за националните шампиони – тимот Philips Revolution од ООУ „Александар Македонски“, кои викендов од 02-04 мај ја претставуваа Македонија на светската сцена во Грција– FIRST® LEGO® League Open International Championship, одржан во Sofiko, Peloponnese – Greece, на престижната локација The Ranch.

Овие млади визионери не се само ученици – тие се идните инженери, иноватори, креатори на решенија. Нивната посветеност, тимска работа, технолошки способности и љубопитност се инспирација за сите нас. Со својот роботски дизајн, истражувачки проект и силни вредности, тие добија шанса да ја носат нашата држава пред најдобрите тимови од целиот свет.

Нашата поддршка е повеќе од донација – тоа е инвестиција во иднината. Веруваме дека секое дете заслужува можност да сонува, да создава, да учи и да успее. Преку ова патување, Philips Revolution не само што се натпреваруваше, туку испрати силна порака за тоа што значат знаење, труд и вистински тимски дух.

Им честитаме за успехот, посветеноста и инспирацијата што ја пренесоа.
Македонија е со вас – вие сте нашата гордост!