Новости

Солар Спектар АГ донираше фотоволтаична опрема на Факултетот за електротехника и информациски технологии. Солар Спектар АГ донираше фотоволтаична опрема на Факултетот за електротехника и информациски технологии. Оваа иницијатива ја одразува нашата посветеност за поттикнување на следната генерација инженери и иноватори во секторот за обновливи извори на енергија. Донираната опрема ќе им овозможи на студентите практично искуство, односно да го применат своето теоретско знаење во практична средина. Ние веруваме дека образованието е клучот за унапредување на технологиите за одржлива енергија и горди сме што го поддржуваме Факултетот со опремување со фотоволтаична опема со цел студентите да ги подобрат своите вештини. Голема благодарност до Факултетот за нивната посветеност во обликувањето на иднината на електротехниката. Заедно, можеме да ја поттикнеме транзицијата кон позелен, поодржлив свет!Огромна благодарност до проф. Д-р. Гога Цветковски и на деканот на Факултетот проф. Д-р. Владимир Атанасовски што ја овозможи оваа соработка! Оваа иницијатива ја предводеше инженерскиот тим на Солар Спектар АГ кој го сочинуваат Ангела Најдоска, Димитар Димитров, Јана Паневска, Давид Јанакиевски и Иван Мацановски, со огромна поддршка и одобрение од извршниот директор на компанијата г-дин Горан Мојсоски.

Солар Спектар АГ дел од семинарот организиран од страна на ETI Тимот на Солар Спектар АГ беше дел од семинарот организиран од страна на ETI на кој присуствуваа инженери од целиот Балкан. Предавачите беа од тимот на ETI Словенија кој одблизу не запознаа со новата серија на воздушни прекинувачи ETIPOWER развиен за поголема енергетска ефикасност, новите производи кај струјно-заштитни склопки на диференцијална струја EFI и KZS. Во рамки на обуката беше презентиран и софтверот изработен од страна на ETI кој е одлична алатка која им помага на инженерите во правилен избор на заштитна опрема за инсталациите.

Солар Спектар АГ – дел од Меѓународниот саем за енергетика и технологија – ЕНЕРГО ТЕХНОМА 2024 Солар Спектар АГ беше дел од овогодинешниот Меѓународниот саем за енергетика и технологија – ЕНЕРГО ТЕХНОМА 2024. ЕНЕРГО ТЕХНОМА оваа година беше посветен на зелени решенија и иновативни технологии, со цел да ги истакне најновите технолошки достигнувања и стратегии за справување со глобалните енергетски предизвици. На саемот тимот на Солар Спектар АГ ги презентираше зелените решенија кои ги нуди нашата компанија како лидер на пазарот кога станува збор за проектирање, изведба и одржување на фотоволтаични системи. Саемот бешe одлична можност за стекнување професионални познанства и разменување на мислења со учеснициите и посетителите на саемот. 

Тимот на Солар Спектар АГ го проектираше и изведе најголемиот проект до сега, 11 МWp фотоволтаична електрична централа Со голема гордост Ви го презентираме нашиот најголем проект досега! Фотоволтаична електрана со инсталирана моќност од 11 MWp! ЕВН Македонија Електрани, како дел од групацијата ЕВН Македонија, во 2023 година инвестираше во изградба на три фотоволтаични централи. Централите се наоѓаат на територија на Општина Пробиштип и се со вкупна инсталирана моќност од 11 MWp. Со овој зелен производствен капацитет, ЕВН Македонија Електрани го зголеми своето производство на енергија од обновливи извори на енергија. За проектирањето и изведбата беше задолжен тимот на Солар Спектар АГ кој за временски период од шест месеци ги изгради и пушти во употреба трите фотоволтаични централи ЕВН Солар 1, ЕВН Солар 2 и ЕВН Солар 3. На површина од 55,070 m2, се поставени 20,148 панели од брендот JA Solar. Поставените панели се бифацијални, со врвна моќност од 545 Wp и истите се поставени на констукција од грчкиот производител и наш долгогодишен соработник Metaloumin SA. Во рамки на овие три централи употребени се 42 инвертори од реномираниот бренд KEHUA TECH секој со номинална моќност од 250 kW. Целиот производствен капацитет е со очекувано годишно производство од 14,433.502 MWh, а со тоа ќе се редуцира емисијата на CO2 за 8,359 t за период од една година. За успешната соработка меѓу ЕВН Македонија Електрани и Солар Спектар АГ, секојдневно говорат бројките на произведена електрична енергија.